ದೇಹದ ಹಸಿವು
ಮನದ ಹಸಿವು
ಹೊಟ್ಟೆಯ ಹಸಿವು
ಬುಡವಿರದ ತಳ
ತೆರೆದ ಬಿಸಿಲಿಗೆ ಸೂರ್ಯ ಕಾರಣ
ಅದಕೆ ಹುಟ್ಟಿದ ಅಲುಗಾಟ
ಕಾಣಿಸದ ಕಾಡೊಳಗೆ ಹೂ ಅರಳಿತು
ಪೊದೆಯ ನಡುವೆ ಹಾವು ಪೊರೆ ಕಳಚಿತು
ದಡದ ತೂತಿಂದ ಏಡಿ ಹೊರಬಿತ್ತು
ಪಾತ್ರೆಯಂಚಿಗೆ ಕುಳಿತ ನೊಣ ಹಾರಿತು
ಫುಟ್ಪಾತಿನಲ್ಲಿ ಇರುವೆ ಮೃತಪಟ್ಟಿತು!
‘ಹೇಳೋರಿಲ್ಲ ಕೇಳೋರಿಲ್ಲ ಕಂಡೋರಿಲ್ಲ’
ದೇಹ ಬೆಳೆಯುತ್ತಿದೆ ಅಂದುಕೊAಡಿದೆ
ಮನ ಚಾಚಿದೆ ಅನಿಸುತ್ತಿದೆ
ಹೊಟ್ಟೆ ತುಂಬಿದ ಹಾಗಾಗಿದೆ!
ಉಬ್ಬರವಿಳಿತ ನಿಶ್ಚಲ ಆಕಾಶದ ಕೆಳಗೆ
ತಿಣುಕಾಟ ಹೊರಬರಲು ಉಸಿರಿಗೆ
ಇಂದನ್ನು ಮುಗಿಸಲು ಬದುಕಿನ ಪಾಳಿ
ಭೂತವನ್ನು ರಮಿಸುತ್ತಾ ನಾಳೆಯ ಊಟ!
‘ಹಾಗಿದೆ ಹೀಗಿದೆ ಹೇಗಿದೆ?’
ದೇಹದ ಮಾತು ಪುನಃ ದೇಹಕ್ಕೆ!
-ಅಕ್ಷಯ ಕಾಂತಬೈಲು
No comments:
Post a Comment