ಚಾಲನೆ ಮಾಡುತ್ತಾ
ಎಂ.ಜಿ. ರೋಡು ಹಾದು
ಚರ್ಚ್ ಸ್ಟಿçÃಟ್ ಮೇಲೆ
ಬೈಕ್ ಓಡಿಸುವಾಗ
ಹದಿನೆಂಟು ದಾಟಿದ ಚಕೋರಿ
ದಾಟುತ್ತಿದ್ದಳು ರಸ್ತೆ
ನೀಲ ಬಣ್ಣದ ಟೋರ್ನ್ ಜೀನ್ಸು
ಅವಳ ಮೀನಖಂಡಕ್ಕೆ
ಕೊಡುತ್ತಿತ್ತು ಗ್ರಿಪ್ಪು
ಘಕ್ಕನೆ! ನಿಲ್ಲಿಸಿದೆ ಬೈಕ್
ವೈಯಾರಿಯ ರಸ್ತೆ ಹಾಯಲು ಬಿಟ್ಟೆ
ಆಕೆಯ ಬಳುಕು ನೋಡುತ್ತಾ ಇದ್ದೆ
ಕಣ್ಣಿಂದ ನೇರವಾಗಿ ಇಕ್ಕಿದಳು ಬಾಣ
ಹೆಲ್ಮೆಟ್ ಗ್ಲಾಸು ತೂರಿದ ದೃಷ್ಟಿಯ ಚೂಪು
ಟ್ರಾಫಿಕ್ ನಡುವೆಯೂ ಕೊಂಕದೆೆ ಡೊಂಕದೆ
ನನ್ನ ರಸತಳಕ್ಕೆ ಏಕಧಂ ಅಪ್ಪಳಿಸಿತು!
ಆಕೆಯ ಆವೊಂದು ನೆಲ್ಲಿಕಾಯಿ ಗಾತ್ರದ
ದಟ್ಟ ಕಪ್ಪು ಕಣ್ಣ ಬೊಂಬೆ
ಆವೊಂದು ಪಿಂಕು ರಂಗು ಕಿರಿ ತುಟಿಯ
ಮತ್ತೂ ಕಿರಿದಾಗಿಸಿ ಥಟ್ಟನೆ ಅಗಲಿಸಿ
ಗ್ಲೋಬಿನಂತೆ ಉಬ್ಬಿ ಢಮ್ಮನೆ
ಒಡೆತಕಂಡ ಚುಯಿಂಗ್ ಗಮ್ಮು!
ತಕ್ಷಣ ಬೈಕ್ ಸೈಲೆನ್ಸರಲ್ಲಿ
ಭಗ್ಗನೆ ಹೋಮದಂತೆ ಎದ್ದ ಹೊಗೆ
ನನ್ನನ್ನೂ ಎಚ್ಚರಿಸಿತು!
ನಿಮ್ಮನ್ನೂ ಕವಿತೆ ಓದಿಸಿತು...
-ಅಕ್ಷಯ ಕಾಂತಬೈಲು
No comments:
Post a Comment